Summit Challenge
D SolyVC Summit Challenge isch es sozials Event mitem Ziel müglechst viu Lüt zu grosse Gümp ufem Velo z motiviere. S Ziel isch eifach, müglechst viu verschideni Päss mitem Velo abzklappere. Hie findisch paar Zuesatzinfos:
I Start und Endi
Der Challenge Teil vom SolyVC Summit louft jährlech. Jewils vom 01.01. bis am 31.12. D Medaliä und d Trophäe werde jewils zum neue Jahr zrugg gsetzt. Z Leaderboard louft aber immer witer.
II Vorgehenswiis
1. E Pass mues fürd Challenge ou mitmene SolyVC Sticker markiert werde damit er cha als Fahrt fürd Challenge akzeptiert werde. Hou der dini paar Sickers ab, chläb zoberst am Pass eine here, u lad derzue es Foti uf Strava ufe.
2. D Summit App isch integriert mit Strava. Du ladisch dini Aktivität normal zerst vo dim Grät uf Strava. Derte muese si öffentlech si. Ei Aktivität cha mehreri Päss beinhalte.
3. Als letzts logisch di im SolyVC Summit App i. Derte geisch uf dis Profil und drüksch uf synchronisiere. Die letzte 2 Wuche werde synchronisiert. Z Programm erkennt erledigti Päss. Du chasch denne zumne Pass no es Textli u paar Bilder ufelade.
III Uszeichnige u Trophäe
Es git verschideni Uszeichnige. Du gsehsch die im Leaderboard. D Trophäe werde immer im neue Jahr zrug gsetzt, damit ou neui Lüt e Chance hei.
- Pokal: E Pokal bechunt pro Jahr die ersti Person ufem Pass
- Medallie: Gold, Silver und Bronze Medallie gits für die jewilig meist erledigte Pässe
- Trophäe: Alpestürmer, Emmentalprofi, Juraheld... Je nach Kategorie. Ou pro Jahr.
Du chasch aso aui dini Passfahrte ufelade. Ou wenn bimne Pass scho e Pokal weg isch.
IV Erloubt isch..
Team Passfahrte si erloubt. Wenn dir als Gruppe obe amne Pass innerhalb vo eire Minute sind de werde Pokal, Trophäe u Medallie a alli vergäh.
Mir si mit de Rennvelos unterwegs, d Päss si daher uf teereti Strasse limitiert. Du chasch aber mit jedem nid motorisierte ;) Velo teilneh. Houptsach viu Päss, Zyt isch sekundär..
